Субота, 1 ліпеня
«Лад», 10.15
«31 чэрвеня».
Расея (СССР), 1978, рэж. Леанід Квініхідзэ.
Фантастычны м’юзыкал.
Паводле аднайменнай аповесьці Джона Б.Прыстлі.
Галоўную ролю ў фільме выконвае Мікалай Яроменка-малодшы.
«Лад», 12.25
«Ласкава запрашаем, ці Пабочным уваход забаронены».
Расея (СССР), 1964, рэж. Элем Клімаў.
Камэдыя.
Злы дырэктар пераўтварае піянэрлягер у казарму. Партызан-піянэр Іначкін яму не падпарадкоўваецца.
Дасьціпная сатыра на савецкае грамадзтва. Твор, актуальны й для сёньняшняй Беларусі.
БТ, 14.30
«Маем рэчы».
Беларусь, 2006, аўтар і вядоўца Алесь Матафонаў.
Гэтая перадача пра хлеб.
СТВ, 20.15
«Асада».
ЗША, 1998, рэж. Эдвард Зьвік.
Баявік.
У Нью-Ёрку – масавыя тэракты. У краіне ўводзіцца надзвычайнае становішча і масава парушаюцца грамадзянскія правы. Героі нэўтралізуюць тэрарыстаў і ставяць на месца генэрала-дыктатара.
Пастаўлены за тры гады да атакі на Гандлёвы цэнтар, фільм папярэджвае пра небясьпечныя наступствы апантанае барацьбы. Але разьвязка прадугледжваецца галівудзкая.
Ролі выконваюць: Дэнзэл Ўошынгтан, Анэт Бэнінг, Брус Ўіліс.
НТВ, 21.40
«Адкрытае мора».
ЗША, 2003, рэж. Крыс Кентыс.
Драма, жахі.
Маладая пара адпраўляецца ў адпачынак на выспы. У адкрытым моры на яе забываецца катэр. Героі застаюцца сам-насам са сьпёкаю... і акуламі.
«Лад», 22.35
«Узыход Чорнае поўні».
ЗША, 1986, рэж. Гарлі Кокліс.
Прыгоды.
Звышмагутны сакрэтны аўтамабіль уганяе гераіня Лінды Гэмілтан. Па яе сьлядох ідзе адмысловец Томі Лі Джонз. Сытуацыя ўскладняецца агентамі ФБР і гангстэрамі.
Сцэнар карціны склаў Джон Карпэнтэр.
Нядзеля, 2 ліпеня
БТ, 07.10
«Кур’ер».
Расея (СССР), 1986, рэж. Карэн Шахназараў.
Трагікамэдыя.
Паводле аднайменнай аповесьці Карэна Шахназарава.
Пасьля школы Ваня працуе кур’ерам. Ён схільны да блазенства й розыгрышаў, што дарослым не падабаецца…
Сьмех, чалавечнасьць і далікатнасьць шахназараўскае рэжысуры; удалая гульня Фёдара Дунаеўскага і Алега Басілашвілі. У іншых ролях: Анастасія Немаляева, Іна Чурыкава.
АНТ, 12.10
«Зьнесеныя ветрам».
ЗША, 1939, рэж. Віктра Флемінг.
Эпічная драма.
Паводле аднайменнага раману Маргарэт Мітчэл.
Легендарная гісторыя Скарлет О’Хары й Рэта Батлера падчас грамядзянскай вайны…
Абсалютная клясыка кіно.
У галоўных ролях: Віўен Лі, Кларк Гейбл.
БТ, 13.30
«Формула каханьня».
Расея (СССР), 1984, рэж. Марк Захараў.
Эксцэнтрычная фантазійная мэлядрама-камэдыя.
Паводле аповесьці А.Талстоя «Граф Каліёстра».
Трапныя рэплікі й бліскучы музычны нумар у выкананьні Сямёна Фарады і Аляксандра Абдулава.
Таксама ролі выконваюць: Надар Мгалоблішвілі, Аляксандра Захарава, Тацяна Пельцэр.
Каментары