Сікорскі пра інтэрв'ю Меркель: Канцлерка забылася, чым займаўся яе ўрад
Міністр замежных спраў Польшчы Радаслаў Сікорскі рэзка адрэагаваў на выказванні былой канцлеркі Германіі Ангелы Меркель, якая ў інтэрв’ю венгерскаму журналісту заявіла, што ў 2021 годзе Еўрасаюз не змог арганізаваць прамыя перамовы з Уладзімірам Пуціным з-за пярэчанняў Польшчы і краін Балтыі.
Сікорскі адзначыў, што ўспрымае словы Меркель гэтак жа сама, як і яе папярэднюю заяву пра тое, што ніхто з Цэнтральнай Еўропы не выступаў супраць будаўніцтва Nord Stream. Ён нагадаў:
«Нагадаю, што я тады казаў, што нам не падабаюцца пагадненні над нашымі галовамі. Канцлерка забылася, як гэта выглядала тады і чым займаўся яе ўрад».
Каментар палітык зрабіў падчас сустрэчы з журналістамі пасля перамоў з міністаркай замежных спраў Фінляндыі Элінай Валтанен у Варшаве.
У размове з венгерскім выданнем Ангела Меркель расказала, што ў 2021 годзе разам з Эмануэлем Макронам хацела арганізаваць дыялог паміж Еўрасаюзам і Уладзімірам Пуціным, бо ўжо тады адчувала, што «Мінскія дамовы страчваюць сэнс». Але супраць гэтага выступілі Польшча і краіны Балтыі, якія лічылі, што ў ЕС няма адзінай палітыкі ў адносінах да Масквы.
Меркель узначальвала ўрад Германіі з 2005 па 2021 год, а цяпер знаходзіцца на пенсіі. У 2024 годзе яна апублікавала свае мемуары пад назвай «Свабода. Успаміны 1954—2021».
Цяпер чытаюць
Праца фізічнага офіса Ціханоўскай у Вільні часова прыпынена74
Каментары
Скіоркскі трапна адказаў. Хаця калі б не афіцыйная пасада, мог б яшчэ мацней.