Пасля пратэстнай акцыі 13 верасня ў Гомелі на асабістым аўто была затрыманая жыхарка Рэчыцы Марыя Барадзіна. Прычынай затрымання міліцыя назвала падазрэнні з кодам аўтамабіля, піша Гомельская вясна.
Са слоў 62-х гадовай жанчыны яна пашыла і прывезла ў Гомель велізарны 23-метровы бел-чырвона-белы сцяг, які пратэстоўцы неслі ў калоне падчас акцыі. Бліжэй да вакзала нацыянальны штандар згарнулі і паклалі ў багажнік Таёты Барадзіной.
«Я адразу ж была затрыманая разам з аўто, дастаўлена ў Чыгуначны РАУС Гомеля, дзе мяне абвінавацілі ў несанкцыянаваным вулічным шэсці. Аўтамабіль са сцягам мне не аддалі, ён застаўся на стаянцы ў аддзяленні міліцыі. Назаўтра суд Чыгуначнага раёна Гомеля выпісаў мне штраф 810 рублёў, пытанне аўтамабіля са сцягам засталося судом нявырашаным», — распавяла жанчына.
Адміністрацыйны штраф абскарджаны ў абласным судзе. Было прынята рашэнне запісацца на асабісты прыём да начальніка РАУС з патрабаваннем вярнуць аўтамабіль і сцяг, што незаконна ўтрымліваюцца, іх законнаму ўладальніку.
23 верасня пасля размовы з начальнікам раённай міліцыі Ігарам Цімашэнкам аўтамабіль з 23-х метровым бел-чырвона-белым палотнішчам вярнулі Марыі Барадзіной.
Цяпер чытаюць
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары