Журналістка праектаў «Галоўны эфір» і «На кантролі прэзідэнта» звольнілася з БТ
Надзея Сербіненка сышла з дзяржаўнага тэлебачання пасля 7 гадоў працы.
Дзяўчына вучылася на факультэце журналістыкі БДУ, ужо з трэцяга курса пачала працаваць на БТ. Рабіла сюжэты для перадач «Галоўны эфір» і «На кантролі прэзідэнта».
Але 30 верасня Сербіненка звольнілася і апублікавала наступны пост у інстаграме:
«Я больш не працую ў Белтэлерадыёкампаніі. Як гаворыцца, па ўласным жаданні.
Проста стала відавочна, што працягваць з'яўляцца ў эфіры, здымаць сюжэты, запісваць інтэрв'ю са звычайнымі людзьмі па ўсёй краіне ЯК РАНЕЙ больш не атрымаецца.
У выніку з 17 жніўня я пабывала ў самым працяглым адпачынку ў сваім жыцці, добра ўсё абдумаўшы, праветрыўшы галаву, я вырашыла сысці з БТ. Таму што змяніць нічога не магу, а заплюшчваць вочы і не заўважаць таго, што адбываецца — таксама.
Вядома, гэта няпростае рашэнне. Я прапрацавала 7 гадоў у АТН. Прыйшла яшчэ зялёнай студэнткай журфака, а потым было столькі ўсяго… і добрага ўсё ж больш, чым дрэннага.
Ну а зараз я зноў пачынаю ўсё з нуля. Адкрываю новую старонку і буду павышаць скілы, нарэшце для гэтага з'явіцца час…».
«Наша Ніва» звярнулася да Сербіненкі, але яна адмовілася ад падрабязных каментароў.
У сацсетках дзяўчына паведаміла, што яе звальненне выклікала шквал каментароў. Бываюць і такія, маўляў, з лёгкім ветрам, але большасць — словы падтрымкі.
-
Шаметавец: Пасля знікнення ні Мельнікава, ні ад яе імя на «Кіберпартызанаў» не выходзілі. Яна не мае чым нас шантажаваць
-
Зянон Пазняк: Зараз інтарэсы рэжыму ў нейкай ступені супадаюць з нацыянальнымі інтарэсамі
-
«Кіберпартызаны»: Не трэба раздзімаць паніку, што рэжым усё можа ўзламаць, прачытаць, пра ўсё даведацца. Не, не можа
Чакаецца новы раўнд перамоваў між Беларуссю і ЗША — літоўскі СМІ9
Каментары