Спартсменку 2019 года ў Беларусі, чэмпіёнку свету па фрыстайле Аляксандру Раманоўскую звольнілі за прагулы з нацыянальнай каманды. Гэтую інфармацыю sport.tut.by паведаміў галоўны трэнер нацыянальнай каманды Мікалай Казека.
— Сёння на сходзе нам паведамілі, што Саша Раманоўская звольненая за прагулы. Загад уступіць у сілу 16 кастрычніка. Мы, вядома, будзем яго аспрэчваць, — сказаў Мікалай Казека.
Нацкаманда адносіцца да Міністэрства спорту. Але яно дэлегавала паўнамоцтвы па кіраванні нацыянальнай камандай у Рэспубліканскі цэнтр алімпійскай падрыхтоўкі, а тут яе звольнілі. Загад падпісаў новы дырэктар РЦАП, які прыйшоў да нас з вадналыжнага спорту — адзначыў Мікалай Казека.
Ён таксама распавёў, што цяпер Аляксандра праходзіць рэабілітацыю пасля траўмы.
— Афіцыйна Аляксандру Раманоўскую звольнілі за прагулы. Але насамрэч у Сашы была форс-мажорная сітуацыя — яе бацька перанёс інсульт, не было каму вазіць яго ў бальніцу. Гэтым займалася Аляксандра. Яна тэлефанавала, тлумачыла, але ніхто ў РЦАП не звярнуў на гэта ўвагі. Загад уступіць у сілу 16 кастрычніка. Рашэнне ангажаванае. Мы, вядома, будзем яго аспрэчваць, — заявіў Казека.
***
Раней Аляксандра Раманоўская смела выказвалася пра сітуацыю ў Беларусі, асуджала гвалт. Яна выказвала засцярогу, што супраць яке могуць быць ужыты захады.
Раней і праслаўленага трэнера Мікалая Казеку пазбавілі прэзідэнцкай стыпендыі. Ён таксама асудзіў гвалт на вуліцах Беларусі пасля выбараў.
За «дрэнную ідэалагічную працу» звольнены дырэктар РЦАП па фрыстайле
Цяпер чытаюць
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў31
У дажджавіках і па калена ў гразі. Чыноўнікаў у дождж пагналі на суботнік, сам Лукашэнка не пайшоў
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары