Пра тое, што размова адбылася, паведамляе тэлеграм-канал «Пул першага». Ужо вядома, што званок доўжыўся паўгадзіны.
Нагадаем, высокі амерыканскі госць наведваў Беларусь не так даўно — у лютым 2020-га.
Пра што ж яны гаварылі?
Як паведамляе афіцыйны канал Лукашэнкі, дзяржсакратар падкрэсліў, што нязменна застаецца прыхільнікам суверэнітэту і незалежнасці нашай краіны і прыхільнікам развіцця супрацоўніцтва з Беларуссю.
Лукашэнка запэўніваў суразмоўцу ў нацыянальным дыялогу, які цяпер актыўна вядзецца ў Беларусі. І ў сваю чаргу падкрэсліў, што Расія з'яўляецца галоўным саюзнікам, асабліва адзначыў падтрымку, якая, па яго словах, аказваецца ў дадзены перыяд.
Расія не ўмешваецца ва ўнутраныя справы Беларусі, перакананы Лукашэнка, пры гэтым краіны гатовыя сумесна рэагаваць на знешнія пагрозы.
Згадаў Лукашэнка і пра дамову ў межах АДКБ — па абароне агульнай прасторы — у выпадку знешняй агрэсіі з боку Польшчы, Літвы ці іншых краін — Беларусь і Расія будуць вымушаныя рэагаваць.
Пампеа адзначыў, што ні ад НАТА, ні ад Польшчы і Літвы падобнай пагрозы не варта баяцца, бо яе не існуе.
«Мы выступаем за мірнае і спакойнае вырашэнне ўсіх канфліктаў, у тым ліку на знешнім контуры», — рапартуе «Пул першага».
Падчас размовы гаварылі пра лёс аднаго з грамадзян ЗША і Рэспублікі Беларусь.
Напрыканцы Лукашэнка пажадаў поспехаў у правядзенні палітычнай кампаніі ў ЗША ў цэлым і асабіста Дональду Трампу.
Цяпер чытаюць
Стаў вядомы поўны спіс 18 фігурантаў «малочнай справы», падзельнікаў міністра Брыло і братоў Скітавых7
Стаў вядомы поўны спіс 18 фігурантаў «малочнай справы», падзельнікаў міністра Брыло і братоў Скітавых
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы77
Каментары