Хварэе 3% насельніцтва. Докшыцы, як і вясной, — чырвоная зона кавіду
Па афіцыйных звестках, на гэты момант на каранавірус хварэе 3% жыхароў Докшыцкага раёна.
Фота Надзеі Бужан
Статыстыка кавіду па асобных раёнах і абласцях не публікуецца. Аднак мясцовыя СМІ і органы ўлады ў некаторых раёнах даюць звесткі.
Так, на мінулым тыдні гарвыканкам Магілёва апублікаваў лічбы смяротнасці за 11 месяцаў 2020 года, з якіх вынікае, што смяротнасць у горадзе вырасла проці мінулага года больш як на 20%.
А раённая газета Докшыцаў «Родныя вытокі» паведаміла, што па стане на 11 снежня ў раёне ўжо 648 хворых на кавід. 58 ляжаць у стацыянары, яшчэ 590 хварэюць дома. Памерла за час пандэміі 12 чалавек.
Паколькі ў Докшыцкім раёне жыве 22 200 чалавек, гэта значыць, што хварэе 3% жыхароў, або кожны 34-ы.
Сталі вядомыя падрабязнасці таго, як у В'етнаме затрымалі Верамейчыка21
Каментары