У нядзелю, 7 лютага, у гасцініцы «Беларусь» мае прайсці Другі форум левых дэмакратычных сіл. У яго працы возьмуць удзел БСДП, «Справядлівы свет», «Зялёныя», а таксама Свабодны прафсаюз металістаў, які ўзначальвае Аляксандр Бухвостаў.
Першы такі форум адбываўся шэсць гадоў таму. Старшыня БСДП Ігар Барысаў кажа, што адной з мэтаў гэтага мерапрыемства — паказаць, што дзяржаўнаму «леваму папулізму» існуе «левая дэмакратычная альтэрнатыва». Апошнім часам шмат увагі надаецца палітычным пытанням, а вось сацыяльныя дастаткова часта забываюцца. Таму яшчэ адна задача — прыцягнуць увагу да сацыяльных праблем у грамадстве.
У форуме возьме ўдзел каля 200 дэлегатаў. Будуць праведзена тры панельныя паседжанні: па палітычных пытаннях, сацыяльна-эканамічных і экалагічных.
Напрыканцы форума будуць прынятыя два маніфесты — палітычны і сацыяльны. Праўладныя тэлеграм-каналы кажуць, што маніфесты ўжо даўно напісаныя. Барысаў гаворыць, што рыхтаваць папярэдні праект — гэта нармальная практыка, але ўдзельнікі форума могуць унесці свае праўкі ў дакументы, калі яны будуць падтрыманыя астатнімі ўдзельнікамі.
Адметна, што Беларуская сацыял-дэмакратычная Грамада, якую ўзначальвае Сяргей Чэрачань у працы форуму ўдзел браць не будзе. Чаму?
«У нас гістарычна склалася супрацоўніцтва са «Справядлівым светам», а таксама Беларускай партыяй «Зялёныя». Што тычыцца БСДГ, то раней на адным са сваіх з'ездаў яны спрабавалі змяніць назву партыі, выкінуўшы з яе спалучэнне слоў «сацыял-дэмакратычная», аднак вырашылі пакінуць, бо ёсць ў Партугаліі прыклад, калі партыя называецца сацыял-дэмакратычнай, аднак яна правая па праграме і ідэалогіі.
БСДГ у нашым паразуменні належыць, па сваёй сутнасці і праграме, хутчэй да правага цэнтру, чым да левага», — тлумачыць Барысаў.
Доўгі час правядзенне форуму трымалася калі не ў сакрэце, то асабліва не афішавалася. Ігар Барысаў кажа, што фактычна гэта першае буйное палітычнае мерапрыемства пасля выбараў, таму не хацелася прыцягваць асаблівай увагі, тым больш што памяшканне для форуму вельмі доўга ўзгаднялася.
Цяпер чытаюць
У базе сілавікоў «БЕСпарадкі» больш за 100 тысяч чалавек20
У базе сілавікоў «БЕСпарадкі» больш за 100 тысяч чалавек
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары