Кар'ерны дыпламат Павел Латушка прызначаны міністрам культуры.
Шэраг кадравых перастановак зрабіў у сераду Аляксандр Лукашэнка. Сярод іх вылучаецца прызначэнне міністрам культуры дыпламата Паўла Латушкі.
Да гэтага Павел шэсць гадоў працаваў паслом Беларусі ў Польшчы, але ад восені чакаў новага прызначэння. Хадзілі чуткі, што Латушка можа стаць адным з намеснікаў кіраўніка Адміністрацыі прэзідэнта.
Павел Латушка адзін з нямногіх дзяржаўных чыноўнікаў, які паслядоўна і падкрэслена карыстаецца беларускай мовай.Прызначэнне былога пасла міністрам культуры можна разглядаць як жэст Лукашэнкі ў адрас беларускамоўных і нацыянал-лібералаў. У любым выпадку сумнявацца не прыходзіцца, што справы ў культуры пойдуць весялей.
Павел Латушка нарадзіўся ў 1973 годзе ў Мінску. Скончыў юрыдычны факультэт БДУ (1995), хоць пачынаў вучыцца на гістарычным. Завочна скончыў Беларускі лінгвістычны універсітэт (1996). Потым займаў розныя пасады ў структуры МЗС. У 2000‑2002 гадах прэс‑сакратар МЗС. Ад 2002 па 2008 гады быў паслом Беларусі ў Польшчы. Быў наймаладзейшым беларускім паслом.
Былы міністр культуры Уладзімір Матвяйчук прызначаны памочнікам Лукашэнкі. Што праўда, не адзначаецца па якіх пытаннях.
Цяпер чытаюць
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком2
Як быць маладым бацькам у 66 гадоў, пра мару і пра новы альбом — у гутарцы з легендаю фолку Іванам Кірчуком
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары