«У нейкім чаце хтосьці абразіў прэзідэнта». Адзін з затрыманых у Новай Баравой распавёў, што гэта было
Увечары 10 сакавіка ў Новай Баравой прайшлі затрыманні. Адзін з мужчын, да якіх прыйшлі, распавёў «Нашай Ніве», што ад яго хацелі сілавікі.
Альгерд Голуб у гэты дзень яшчэ і святкаваў свой дзень нараджэння.
«Я збіраўся з сябрамі ехаць у рэстаран. Але ля майго ж пад’езда мяне сустрэў бусік. Затрымалі, пачакалі следчага з панятымі, пасля правялі ў маёй кватэры ператрус.
Забралі тэхніку: два ноўтбукі, два планшэты, два тэлефоны.
Патлумачылі, што ў нейкім чаце хтосьці абразіў прэзідэнта. У якім чаце, што за абраза — не ведаю.
Я удзельнік чата дома, але не адміністрырую ніякіх чатаў раёна, — кажа мужчына. — Усё было амаль па пратаколе: амаль, бо на рукі не далі паперу, што быў ператрус, што мяне затрымлівалі, у якім я статусе. Адпаведна, я падазраваны ці сведка — не ведаю».
Па словах Альгерда, пасля ператрусу яго даставілі ў Бараўлянскае РАУС. Там з ім правялі прафілактычную гутарку аб недапушчальнасці ўдзелу у несанкцыянаваных акцыях — і адпусцілі.
«Сказалі праз тры дні прыходзіць на Першамайскую, 7 (там знаходзіцца ўпраўленне СК па Мінску — «НН»). Можа, аддадуць мне тэлефон, а можа, і закрыюць мяне, хто яго ведае.
Пракансальтуюся з адвакатам, што ён параіць — бо ніякіх папер мне не далі», — кажа Альгерд.
Пра лёс іншых затрыманых у Новай Баравой 10 сакавіка мужчына нічога не ведае.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары