МУС паведамляе пра затрыманне «тэрарыста», які заклаў выбухоўку ў сметніцу, і звязвае яго з «Байполам»
Ноччу ў Печах аператыўнікі ГУБАЗіКа затрымалі 35-гадовага жыхара Пінскага раёна, паведамляе телеграм-канал МУС.
У апублікаваным відэароліку сцвярджаецца, што мужчына меў намер здзейсніць тэрарыстычны акт у мясцовай вайсковай частцы, а яшчэ адзін — у Мінску, заклаўшы выбухоўку ў сметніцу на вуліцы Убарэвіча.
На відэа былі прадэманстраваныя прадметы, называныя «выбуховымі прыладамі» і прызнанне затрыманага — ён казаў, што атрымаў указанне здзейсніць тэракт на Дзень Волі ад прадстаўніка «Байпола». Ад каго канкрэтна — ён не ведае, «яны не прадстаўляліся».
Сцвярджэнне аб датычнасці «Байпола» паўтарыў у каментары намеснік міністра ўнутраных спраў Генадзь Казакевіч. Ніякіх дакументаў у пацверджанне гэтага не прыводзіцца.
Ніяк не тлумачыцца, чаму менавіта на сметніцы ў Чыжоўцы меўся адбыцца тэракт.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары