Першы кампанент вакцыны супраць COVID-19 у Беларусі атрымалі больш за 3% насельніцтва, паведаміў БелТА галоўны дзяржаўны санітарны доктар Аляксандр Тарасенка.
«Ужо вакцынавалі першым кампанентам вакцыны, у асноўным гэта «Спутнік V», крыху больш за 3% насельніцтва. Мы чакаем у найбліжэйшы час, не далей чым на наступным тыдні, паступлення амаль 500 тысяч доз вакцыны «Спутнік V», вырабленай на прадпрыемстве «Белмедпрэпараты», таму тэмпы вакцынацыі будуць нарастаць», — сказаў Аляксандр Тарасенка.
Тэмпы вакцынацыі ў Беларусі застаюцца нізкімі ў параўнанні з лічбамі ў Расіі, Літве і Польшчы.
Каментары