Эрык Клэптан паскардзіўся на «катастрафічныя наступствы» пасля вакцыны ад AstraZeneca
Брытанскі рок-музыкант Эрык Клэптан падзяліўся «катастрафічнымі» наступствамі прышчэпкі ад каранавіруса AstraZeneca. У лісце італьянскаму архітэктару Робіну Манаці Грацыядэю, які той з дазволу артыста апублікаваў у сваім тэлеграме, ён паскардзіўся на прапаганду, якая нібыта перабольшвае бяспеку вакцыны, піша lenta.ru.
Часопіс Rolling Stone пацвердзіў, што апублікаваны архітэктарам ліст быў напісаны Клэптанам. У ім музыка распавёў, што атрымаў першы ўкол AstraZeneca ў лютым. «Наступныя дзесяць дзён у мяне назіралася вострая рэакцыя», — заявіў ён.
Музыка адзначыў, што праз шэсць тыдняў яму зрабілі другую прышчэпку.
«Рэакцыі былі катастрафічнымі. Мае рукі то мерзлі, то нічога не адчувалі, то гарэлі, і каля двух тыдняў ад іх ніякага толку не было.
Я баяўся, што ніколі больш не буду граць (я пакутую на перыферычную неўрапатыю і наогул не павінен быў набліжацца да іголкі). Але прапаганда заявіла, што вакцына бяспечная для ўсіх», — напісаў артыст.
Галыгіна прымусілі апраўдвацца за зварот да сілавікоў у 2020-м17
Каментары