Жыхара Ганконга арыштавалі за тое, што асвістаў гімн Кітая падчас прагляду Алімпійскіх гульняў
Паліцыя Ганконга арыштавала мужчыну па падазрэнні ў знявазе нацыянальнага гімна пасля таго, як ён асвістаў кітайскі гімн падчас прагляду алімпійскіх спаборніцтваў у гандлёвым цэнтры, піша Guardian.
40-гадовы мужчына быў затрыманы ў пятніцу пасля таго, як размахваў сцягамі Ганконга брытанскай каланіяльнай эпохі і асвістваў гімн, заклікаючы іншых далучыцца да яго.
Мужчына стаяў у натоўпе разам з іншымі, каб паназіраць за ганконгскім фехтавальшчыкам у фінале. Асвістванне пачалося на цырымоніі ўзнагароджання, калі зайграў нацыянальны гімн.
У чэрвені 2020 года Ганконг прыняў закон, які прадугледжвае крымінальную адказнасць за любыя дзеянні, якія зневажаюць дзяржаўны гімн. Парушэнне закона можа пагражаць штрафам да 6400 даляраў ЗША і да дзевяці гадоў турэмнага зняволення.
Цэнтральны ўрад Кітая ўвёў крымінальную адказнасць за дзеянні, якія зневажаюць нацыянальны сцяг і герб, у папраўках, унесеных у закон у кастрычніку 2020 года. Закон таксама ўжываецца і ў Ганконгу, які мае асаблівы статус у Кітаі і ўласную заканадаўчую сістэму.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары