У Кітаі выдаткуюць 24 млн даляраў, каб перасунуць гіганцкую статую, якая каштавала 26 млн даляраў
Улады кітайскага горада Цзінчжоу выдзелілі 24 мільёны даляраў, каб прыбраць 58-метровую бронзавую статую легендарнага военачальніка Гуань Юя. Аб гэтым піша выданне South China Morning Post.
Помнік паставілі ў 2016 годзе, на яго патрацілі каля 26 мільёнаў даляраў. Аднак манумент не спадабаўся гараджанам: на іх думку, ён псуе аблічча горада. Яны падзяліліся, што перасталі хадзіць у раён, дзе размешчана статуя, толькі б не глядзець на яе.
Да таго ж манумент быў пабудаваны незаконна. У тым раёне Цзінчжоу, дзе паставілі статую, забаронена ўзводзіць збудаванні, вышэйшыя за 78 футаў (каля 24 метраў). Аднак забудоўшчыкі знайшлі, як абысці закон: яны атрымалі дазвол на будаўніцтва пастамента, а статую пазіцыянавалі як твор мастацтва, устаноўку якога не трэба ўзгадняць.
Урад вырашыў дэмантаваць і перамясціць манумент: яго перасунуць на 8 км ад ранейшага месца, у менш папулярны ў турыстаў і мясцовых жыхароў раён.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары