Мінчуку далі 1,5 года «хатняй хіміі» за абразу Чамаданавай пад пастом пра суд за абразу Чамаданавай
18 кастрычніка суд Фрунзенскага раёна Мінска вынес прысуд 45-гадоваму інжынеру-праграмісту Віктару Лебедзеву: яго прызналі вінаватым паводле арт. 369 КК «Абраза прадстаўніка ўлады» і асудзілі на 1,5 года «хатняй хіміі». Таксама ён кампенсаваў маральную шкоду ў памеры 3000 рублёў.
Вольга Чамаданава. Фота: mvd.gov.by
Яго прызналі вінаватым у тым, што ў тэлеграм-канале, які зараз прызнаным экстрэмісцкім, ён абразіў Вольгу Чамаданаву — у той момант яна з'яўлялася прэс-сакратаркай МУС.
Так, 26 студзеня 2021 года ён пакінуў каментар пад пастом з навіной пра суд, на якім чалавека за абразу Чамаданавай асудзілі да «хатняй хіміі» і абавязалі яго выплаціць на карысць пацярпелай 5000 рублёў.
Прысуд вынесла суддзя Алена Бушава. Дзяржабвінавачанне падтрымаў пракурор Дзмітрый Хаваўка.
Сведка з боку абвінавачання — супрацоўнік ГУУС Лобан — распавёў, што падчас маніторынгу сацсетак выявіў пад фотаздымкам Чамаданавай больш за 60 каментароў, большасць з якіх утрымлівала ненарматыўную лексіку. У яго атрымалася ідэнтыфікаваць шэраг карыстальнікаў, сярод якіх быў і Лебедзеў. Ён адзначыў, што 29 студзеня 2021 года каментар быў выдалены, але ў яго захаваўся ягоны скрыншот.
На судзе таксама выступіла пацярпелая Вольга Чамаданава. Яна распавяла, што ўспрыняла каментар як абразу. Таксама праз каментар яна адчула стрэс і маральныя пакуты, таму што каментары таксама чытаюць яе блізкія — у першую чаргу гэта датычыцца бацькоў і дачкі. Яна адзначыла, што тыя 5000 яна перадала людзям з інваліднасцю і што наогул усе кампенсацыі пералічваюцца на добрую справу.
Гэтым разам Чамаданава таксама заявіла пазоў на суму ў 3000 рублёў і пагадзілася на тое, каб яны былі выдадзеныя наяўнымі пад распіску. Пазоў быў задаволены ў поўным аб'ёме.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары