Франаку Вячорку зрэзалі адпачынак за тое, што скамандаваў «Зважай!» замест «Смирно!».
23 ліпеня палітпрызыўніку Франаку Вячорку афіцыйна вынесена адно з найбольш жорсткіх дысцыплінарных спагнаньняў, прадугледжаных арт. 49 Дысцыплінарнага статуту Узброеных сілаў: змяншэньне адпачынку за ўвесь перыяд вайсковай службы да 5 сутак (наступнае і найбольш жорсткае пакараньне — гаўптвахта). Ф.Вячорка пакараны за ўжыванне каманды «Зважай!» замест «Смирно!».
Ініцыятыва пакарання належыць псіхолагу в/ч № 48694 старшаму лейтэнанту Дзянісу Казаку. Адказнасць за пакаранне нясе намеснік камандзіра батальёну па ідэалогіі маёр Уладзімір Ігнацік. Такім чынам, упершыню ў гісторыі незалежнай Рэспублікі Беларусі беларускі салдат пакараны за ўжыванне беларускай мовы ў войску.
Бацька палітычнага прызыўніка Вінцук Вячорка спрабаваў спыніць беззаконне: «Пераследаваць Франака з-за беларускай мовы ст. лейтэнант Казак і прапаршчык Піскун пачалі з месяц таму. На жаль, і камандзір батальёну ў Мазыры, і камандзір брыгады ў Баранавічах сышлі ў адпачынак. Напярэдадні я тэлефанаваў у Баранавічы падпалкоўніку Сяргею Грысюку, намесніку камандзіра брыгады па ідэалогіі, які цяпер выконвае абавязкі камандзіра. Я папярэдзіў яго пра парушэнні Канстытуцыі і Крымінальнага кодэксу, якія ўглядаю ў моўным пераследзе майго сына, і прасіў спыніць моўны тэрор і дыскрымінацыю ў Мазыры. Але, як бачу, зварот марны. Значыць, і С.Грысюк нясе сваю долю адказнасьці за гэты нечуваны ў еўрапейскай краіне ХХІ стагоддзя апартэід.
Мы будзем звяртацца ў пракуратуру ў сувязі з прыкметамі злачынства, прадугледжанага арт. 130 Крымінальнага кодэксу: «Наўмысныя дзеянні, накіраваныя на распальванне расавай, нацыянальнай, рэлігійнай варожасці альбо нязгоды, на прыніжэнне нацыянальнага гонару і годнасці, (...) учыненыя службовай асобай з выкарыстаннем сваіх службовых паўнамоцтваў, - караюцца пазбаўленнем волі на тэрмін ад трох да дзесяці гадоў». Звернемся таксама ў міжнародныя праваабарончыя арганізацыі».
Цяпер чытаюць
Сталі вядомыя новыя дэталі ў маштабнай справе арганізатараў канцэртаў2
Каментары