У Мінску кантралёрка афармляла па некалькі штрафаў на аднаго чалавека дзеля прэмій за выкананне плана
Кантралёр «Мінсктранса» атрымала тры гады пазбаўлення волі з адтэрміноўкай на два гады па артыкуле аб злоўжыванні ўладай або службовымі паўнамоцтвамі. Акрамя гэтага, жанчына тры гады не можа займаць пасады, звязаныя з ажыццяўленнем юрыдычна значных дзеянняў. Рашэнне вынес суд Фрунзенскага раёна Мінска 1 лістапада.
Паводле абвінавачвання, кантралёр са студзеня да чэрвеня 2020 года лавіла безбілетнікаў і выпісвала штрафы на іншых людзей, якія раней прыцягваліся за безбілетны праезд і чые пашпартныя звесткі ў яе былі. Такім чынам жанчына хацела атрымліваць прэміі за штрафы, якія паступілі ў бюджэт. Агульная шкода тром пацярпелым і «Мінсктрансу» была ацэненая ў 751 рубель, паведамляе прэс-служба суда.
Каментары