Нарвежская кампанія Yara спыніць закупку калійных угнаенняў у Беларусі да 1 красавіка
Міжнародныя санкцыі зрабілі немагчымым працяг гандлю. Пра гэта паведамляецца ў заяве кампаніі. Спынення супрацоўніцтва нарвежскай кампаніі з «Беларуськаліем» дамагалася беларуская апазіцыя.
«Наступствы цяперашніх санкцый для Беларусі зніжаюць здольнасць Yara станоўча ўплываць на бяспеку і дабрабыт работнікаў «Беларуськалія». Для Yara гэта несуцяшальнае развіццё падзей. Мы па-ранейшаму цвёрда адданыя бяспецы і дабрабыту работнікаў «Беларуськалія».
Нягледзячы на спыненне паставак калійных угнаенняў, Yara імкнецца працягнуць праграму прамысловай бяспекі, ініцыяваную ў 2021 годзе, у цесным супрацоўніцтве з незалежным прафсаюзам ААТ «Беларуськалій» і ў поўнай адпаведнасці з санкцыямі, што прымяняюцца», — кажа Свейн Торэ Холсэтэр, прэзідэнт і генеральны дырэктар Yara International.
Yara — найбуйнейшы сусветны вытворца ўгнаенняў. Беларуская калійная кампанія з'яўляецца адным з дзевяці яго ключавых пастаўшчыкоў. Yara — галоўны партнёр «Беларуськалія».
Штаб Ціханоўскай настойліва дамагаўся спынення гэтага супрацоўніцтва. Тыдзень таму ў найбуйнешым нарвежскім выданні Святлана Ціханоўская апублікавала артыкул, дзе раскрытыкавала кіраўніцтва прадпрыемства Yara за супрацоўніцтва з «Беларуськаліем» і такім чынам падтрыманне беларускага рэжыму.
Ціханоўская апублікавала артыкул у самай папулярнай газеце Нарвегіі. Піша пра поўную неабароненасць працоўных у Беларусі
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА108
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары