У Беларусі ўводзяцца максімальныя адпускныя і рознічныя цэны на гародніну і яблыкі. Пра гэта паведаміла на сваёй старонцы ў Фэйсбуку прэс-сакратарка прэм'ер-міністра Беларусі Аляксандра Ісаева.
Урад абмежаваў максімальныя ўзроўні адпускных і рознічных цэнаў са студзеня па май бягучага года на асобныя віды айчыннай прадукцыі (на свежыя бульбу, капусту белакачанную, моркву сталовую, сталовую буракі, цыбуля, яблыкі). Новы парадак рэгулявання цэн устаноўлены Пастановай Савета Міністраў Рэспублікі Беларусь ад 24 студзеня 2022 г. № 36 «Аб рэгуляванні цэнаў на плодаагароднінную прадукцыю».
Пры усталяванні максімальных цэнаў, як сцвярджаецца, улічваліся выдаткі на захоўванне і рэалізацыю прадукцыі, нормы натуральнага змяншэння пры захоўванні, узровень гандлёвай (з улікам аптовай) надбаўкі ў памерах, устаноўленых дзейным заканадаўствам, абмежаваны памер прыбытку суб'ектаў гаспадарання.
Як сцвярджае прэс-сакратарка прэм'ера:
«Гэтыя падыходы абумоўленыя абаронай унутранага рынку, неабходнасцю прыярытэтнай пастаўкі айчыннай плодаагародніннай прадукцыі ў гандлёвую сетку за кошт ураджаю 2021 года, а таксама з улікам апераджальных тэмпаў росту цэнаў на гэтую прадукцыю ў сумежных краінах».
Цяпер чытаюць
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары