Пад Салігорскам двое мужчын аказалі ўзброены супраціў міліцыянтам
Увечары 3 лютага на прыватным падворку ў пасёлку Чырвоная Слабада 65-гадовы гаспадар дома і яго 38-гадовы сын аказалі актыўны супраціў міліцыянтам, паведамляе прэс-служба МУС.
Тая самая стрэльба.
Малодшы з мужчын знаходзіўся ў рэспубліканскім вышуку як абвінавачаны па крымінальнай справе. Ён прыехаў праведаць бацьку, пра што стала вядома міліцыі.
Было прынята рашэнне аб яго затрыманні. Але старэйшы мужчына вырашыў перашкодзіць супрацоўнікам МУС: ударыў аднаго з іх прыкладам паляўнічай стрэльбы і тройчы стрэліў. Праўда, ні разу не патрапіў.
Мужчыну міліцыянтам удалося абяззброіць. У дачыненні да абодвух сваякоў распачатая крымінальная справа за гвалт у дачыненні да супрацоўнікаў органаў унутраных спраў. Падазраваным пагражае да сямі гадоў пазбаўлення волі.
Каментары