У Дзень салідарнасці з беларускімі медыя Святлана Ціханоўская правяла сустрэчу з прадстаўнікамі незалежных СМІ і медыя-каналаў.
Журналісты расказалі пра цяперашнія выклікі ў сваёй працы: рэдакцыям даводзіцца асвятляюць падзеі ў Беларусі ва ўмовах, калі часткі камандаў знаходзяцца ў турме, а іншыя — за межамі краіны альбо ў падполлі.
Пры гэтым многія прызналіся, што час першага шоку прайшоў, і цяпер праекты зноў развіваюцца і набіраюць аўдыторыю.
На сустрэчы абмеркавалі, чым менавіта офіс Ціханоўскай можа дапамагчы рэдакцыям. Гэта, напрыклад, дапамога з акрэдытацыяй медыя ў іншых краінах для бяспечнай працы або прапанова буйным замежным кампаніям, каб яны адмовіліся ад рэкламы на дзяржканалах, але размяшчалі яе ў незалежных медыях.
Святлана Ціханоўская падзякавала журналістам і менеджарам медыя за іх працу і паабяцала, што перадасць усе іхнія просьбы на сустрэчах з міжнароднымі партнёрамі і бізнэсамі.
Чытайце таксама:
Міжнародны дзень салідарнасці з Беларуссю распачаўся ўжо сёння
Ціханоўская ўшанавала памяць Кастуся Каліноўскага
Літовец Віталіюс Моцкус заняў пасаду Стрыжака ў «Байсоле». Хто гэта такі?34
Каментары