Журналісты знайшлі бабулю з чырвоным сцягам. Яна шкадуе пра сваю славу і выступае супраць Расіі
Бабуля з чырвоным сцягам, з якой Расія лепіць сімвал падтрымкі вайны ва Украіне, выкінула яго, калі даведалася пра Бучу.
Ганна Іванаўна распавяла, што выйшла з савецкім сцягам да ўкраінскіх вайскоўцаў, бо пераблытала іх з расійскімі і хацела «памірыцца», каб яны не грамілі яе вёску і краіну.
Пасля таго, як яна даведалася пра Бучу і іншыя зверствы, яна выкінула чырвоны сцяг падалей, кажа камандзір узвода «Кадэт». УСУ заклікаюць не цкаваць пенсіянерку.
З «бабулі са сцягам» у Расіі зрабілі прапагандысцкі сімвал. Ёй прысвячаюць стрыт-арт, у некаторых гарадах усталёўваюць помнікі.
Адзін з іх, пластыкавы, адкрылі ў акупаваным Марыупалі. Адкрываць яго прыехаў намеснік адміністрацыі расійскага прэзідэнта Сяргей Кірыенка.
Каментары