Белкаапсаюз раскручвае канкурэнта «Грошыка» і «Светлафора» — дыскаўнтар «Мегаопт»
У Гандлёвым рэестры з'яўляецца ўсё больш запісаў пра крамы «Мегаопт». Іх рэгіструюць на юрыдычныя асобы Белкаапсаюза. На сёння ёсць звесткі прыкладна пра тры дзясяткі такіх крам, піша Office.Life. У асноўным гандлёвыя аб'екты пазначаныя як дыскаўнтары.
Такога фармату ў Белкаапсаюза яшчэ не было. Гэты праект можа скласці канкурэнцыю сеткам «Грошык», «Дабрацэн» і «Светлафор». Хоць апошнія таксама рыхтуюцца адкрыць новыя крамы. З рэестра відаць, што яны з'явяцца, напрыклад, у Калінкавічах і Мінску.
Па колькасці дыскаўнтараў пакуль што лідзіруе «Светлафор», на другім месцы — «Грошык», трэцяе — у «Мегаопта», а чацвёртае — у «Дабрацэна».
У 2021 годзе дыскаўнтарамі ў Беларусі афіцыйна дазволілі называць толькі тыя крамы, дзе гандлёвая плошча складае ад 250 да 2,5 тыс. кв. м. Тавары там павінны прадавацца «па больш нізкіх цэнах» (нацэнка — не больш за 20%), размяшчацца на складскім абсталяванні (стэлажах, паддонах і да т. п.) і, як правіла, ва ўпакоўцы вытворцы.
Ад прыватнікаў патрабуюць завесці ідэолага ў штаце — распыталі, што робяць кампаніі18
Каментары