Вярхоўны суд пакінуў вялізныя прысуды фігурантам «справы Ціханоўскага» ў сіле. Хутка іх этапуюць у калоніі
31 мая ў Вярхоўным судзе ў закрытым рэжыме пачалі разглядаць апеляцыйныя скаргі шасці фігурантаў «справы Ціханоўскага». Сёння суд пастанавіў пакінуць прысуды без зменаў.
Прысуды Сяргею Ціханоўскаму, Мікалаю Статкевічу, Ігару Лосіку, Уладзіміру Цыгановічу, Арцёму Сакаву і Дзмітрыю Папову былі абвешчаныя паўгода назад, 14 снежня.
Сёння прысуд па абвінавачванні Статкевіча па ч. 1 арт. 293 КК; Ціханоўскага, Сакава, Папова (ч. 1 арт. 293, ч. 3 арт. 130, ч. 2 арт. 191, ч. 1 арт. 342 КК); Цыгановіча, Лосіка (ч. 1 арт. 293, ч. 3 арт. 130) пакінутыя без змен, апеляцыйныя скаргі — без задавальнення.
Сяргей Ціханоўскі атрымаў найбольшы тэрмін — 18 гадоў калоніі; Статкевіча асудзілі да 14 гадоў калоніі асаблівага рэжыму; Лосіка і Цыгановіча — да 15 гадоў калоніі; Папова і Сакава — да 16 гадоў калоніі. Таксама з іх спагналі больш за 2,5 млн рублёў для пакрыцця матэрыяльнай шкоды, «нанесенай злачынствам».
Суд праходзіў у закрытым рэжыме, таму падрабязнасці працэсу невядомыя.
Хутка палітвязняў накіруюць у калоніі, але цягам яшчэ некалькіх дзён іх можна падтрымаць грашовымі пераводамі.
Падтрымайце палітвязняў: СІЗА-3, 246003, г. Гомель, вул. Кніжная, 1А.
Цяпер чытаюць
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары