Мінабароны Украіны: На мяжы знаходзіцца да чатырох тысяч беларускіх вайскоўцаў
Спікер Міністэрства абароны Украіны Аляксандр Матузянік у эфіры нацыянальнага тэлемарафона заявіў, што на мяжы ў Брэсцкай і Гомельскай абласцях цяпер знаходзіцца да сямі беларускіх батальёнаў. Гэта прыкладна 3,5 — 4 тысячы асабовага складу, паведамляе «Украінская праўда».
«Але трэба разумець, што там ёсць і расійскія войскі. Не скажу пра іх колькасць, але ёсць шэраг населеных пунктаў, дзе яны раскватараваныя», — дадаў ён.
«Акрамя таго, улічваючы, што цяпер беларускі бок дае Расіі ўсю лагістыку, цалкам магчымы варыянт, што расіяне змогуць досыць хутка перакінуць на тэрыторыю Беларусі нейкія дадатковыя рэзервы і, магчыма, падрыхтаваць наступ, але да гэтага трэба рыхтавацца. «Па стане на гэты дзень мы пакуль гэтага не бачым», — дадаў спікер Мінабароны.
Па яго словах, дзеянні Расіі, у тым ліку і беларускай арміі, прымушаюць украінцаў трымаць там войскі. Хоць асноўная ўвага цяпер прыкутая да Луганшчыны і Данеччыны, астатняе — адцягненне ўвагі, скоўванне ўкраінскіх дзеянняў, што прымушае трымаць войскі на беларускай мяжы.
Каментары