Выпускніца Лідскай сярэдняй школы №8 Анастасія Більдзь здавала на цэнтралізаваным тэставанні беларускую мову, матэматыку і фізіку. І па ўсіх трох прадметах атрымала максімальныя 100 балаў, паведамляе Міністэрства адукацыі.

Анастасія Більдзь была выдатніцай у школе, сярэдні бал яе атэстата — 10. Аднак вынік, паказаны на ЦТ, здзівіў і яе:
«Апошні вынік (100 балаў па фізіцы) стаў сапраўды радасным для мяне, — гаворыць Анастасія. — Не сумнявалася ў сабе, таму што ішла да сваёй мары мэтанакіравана, пастаянна ўдзельнічала ў алімпіядах па матэматыцы, таму веды па гэтым прадмеце былі грунтоўныя. Нават рыхтавацца не прыйшлося. А вось на дадатковыя заняткі па беларускай мове хадзіла. Перад здачай ЦТ цалкам выключыла хваляванне і засяродзілася на заданнях».
Паступаць дзяўчына збіраецца ў БДУІР, бо хоча займацца інфармацыйнымі тэхналогіямі і праграмаваннем.
-
Ціханоўскі расказаў, як за дапамогу яму асудзілі іншага вязня, што сядзеў не за палітыку
-
«Стаяць на сваім, кожны на колькі можа!». Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі
-
«Калеснікаву перад сустрэчай з бацькам спрабавалі прывесці ў парадак — яна была на ўзмоцненым харчаванні»
Каментары