Бабруйскі пенсіянер вырашыў распілаваць снарад і ў выніку страціў нагу
У выніку выбуху снарада часоў Другой сусветнай вайны ў Бабруйскім раёне 67-гадоваму мужчыну адарвала нагу, паведамляе прэс-служба Следчага камітэта. Паведамленне аб траўмаванні паступіла ў міліцыю днём 11 ліпеня.

Фота: Следчы камітэт
Устаноўлена, што сямейная пара з Бабруйскага раёна на пачатку ліпеня ў прывезеным для рамонтных работ грунце знайшла снарад. Каб пазбегнуць выбуху ў сваім двары, яго выкінулі ў меліярацыйны канал недалёка ад дома.
Пра гэта даведаўся бацька жанчыны, які гасцяваў у пары. Ён дастаў снарад з вады і вырашыў распілаваць яго электраінструментам.
У выніку адбыўся выбух, якім пенсіянеру адарвала частку левай нагі. Ён дастаўлены ў бальніцу ў цяжкім стане, але цяпер яго жыццю нічога не пагражае.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
Каментары