Індыйскі красовер Mahindra Scorpio-N зрабіў фурор, за хвіліну аформлена 25 000 перадзамоў
Усяго за хвіліну кампанія сабрала 25 000 заявак на куплю, прычым заяўкі — з дэпазітам у памеры 227 долараў. Пасля гэтага сайт кампаніі ўпаў. Пастаўкі першых аўто абяцаныя 26 верасня.
Mahindra да снежня збіраецца вырабіць больш за 20 000 аўто, так што ёсць шанец, што ўсе аўто, заказаныя ў першую хвіліну, будуць дастаўлены сваім уладальнікам да канца года.
Чаму Mahindra Scorpio-N стаў хітом у Індыі? Кошт базавай версіі складае $ 15 200, кошт топавай — $ 24 700. А з пачаткам шырокамаштабных продажаў аўтамабіль падаражэе.
Красовер абсталёўваецца 2,0-літровым бензінавым рухавіком mStallion магутнасцю 197 конскіх сілаў і дызельным рухавіком mHawk з аб'ёмам 2,2 літра і магутнасцю 175 конскіх сілаў.
Абодва спалучаюцца з механічнай КПП або аўтаматычнай шасціступеннай каробкай пераключэння перадач. Базавыя версіі — монапрывадныя, топавыя — поўнапрывадныя.
-
Чаму хамелеоны круцяць вачыма ва ўсе бакі? Навукоўцы растлумачылі таямніцу «фатаграфічнага» позірку
-
«Нафіг візы. Я больш не буду ездзіць у краіны, якія не зацікаўленыя ў турыстах настолькі, што закрываюць межы»
-
«Ніводная краіна ў XXI стагоддзі не зможа дасягнуць сярэдняй працягласці жыцця ў 100 гадоў»
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары