Вядучая СТБ каталася на расійскіх нумарах, якія нехта прыляпіў на скотч — і не ведала пра гэта. Цуд растлумачылі ў 102
Віцэ-міс Беларусь — 2018 Настасся Лаўрынчук, якая цяпер працуе на Сталічным тэлебачанні, распавяла, што нехта прыляпіў на яе аўто расійскія нумары паверх сапраўдных беларускіх. Дык што ж гэта было?
У 102 дзяўчыне сітуацыю растлумачылі: высветлілася, што ўчора побач са Сталічным тэлабачаннем здымалі расійскі серыял. Каб пазбегнуць кіналяпаў, кіношнікі аператыўна схавалі беларускія нумары на прыпаркаваных машынах пад расійскімі. Настасся падмену заўважыла не адразу і дзень каталася па Мінску на аўтамабілі з фальшывымі нумарамі.
«Цікава, як бы я гэта тлумачыла б супрацоўнікам ДАІ, калі б мяне спынілі ў горадзе ўчора ці сёння?» — задала рытарычнае пытанне Лаўрынчук.
Цяпер у Мінску здымаюць некалькі расійскіх серыялаў — «Цветок граната», «ДДМ» і «Дела житейские — 8».
Каментары