Лёс ЦТ вызначаць да канца гэтага года. Сама яго структура таксама можа змяніцца
Пра гэта распавёў журналістам міністр адукацыі Беларусі Андрэй Іванец пасля нарады па развіцці нацыянальнай сістэмы адукацыі, піша БелТА.
Удзельнікам нарады паставілі задачу да Новага года ўнесці прапановы: або ў краіне захоўваюць існуючыя падыходы, або ўводзяць неабходныя навацыі для таго, каб «убачыць абітурыента».
Як адзначыў міністр адукацыі, прыйшоў час задумацца пра яе эфектыўнасць і неабходныя карэкціроўкі ЦТ.
Уступная кампанія 2023 года ў цэлым пройдзе па абвешчаных правілах. У канцы навучальнага года навучэнцы 11-х класаў будуць здаваць сумешчаныя з ЦТ экзамены, а таксама дадатковае ЦТ для паступлення ў ВНУ ў залежнасці ад абранай спецыяльнасці.
Але, цалкам магчыма, некаторыя змены уступную кампанію ўсё-ткі закрануць. Да прыкладу, будзе не два сумешчаныя іспыты, а больш і на выбар.
Але пакуль гэта толькі абмеркаванні, канчатковае рашэнне як раз і трэба прадставіць Лукашэнку да канца года. Па словах Іванца, Міністэрства адукацыі зацягваць з гэтым пытаннем не збіраецца.
«Пытанне правядзення цэнтралізаванага экзамена ўжо вызначанае. Іншае пытанне, што правядзенне цэнтралізаванага экзамена — гэта ўсяго толькі элемент уступнай кампаніі, і ў сувязі з гэтым мы павінны паглядзець, якім гэты цэнтралізаваны экзамен павінен быць і якія яшчэ дадатковыя ўступныя выпрабаванні могуць быць у кожным канкрэтным універсітэце альбо ў групе ўніверсітэтаў на канкрэтныя спецыяльнасці», — растлумачыў міністр.
Андрэй Іванец таксама адзначыў, што самі заданні цэнтралізаванага тэставання чакаюць невялікія змены, у тэстаў будзе новая структура.
«Мы сыходзім ад тых заданняў, дзе ёсць магчымасць выбару або ўгадвання. Сёння ў тэсце 50% заданняў, дзе ёсць магчымасць выбару таго ці іншага адказу, і 50%, дзе неабходна рашыць канкрэтнае заданне. Мы мяняем структуру тэста: мінімізуем колькасць заданняў з магчымасцю выбару адказу. Гэта дазволіць шмат у чым «убачыць» абітурыента», — лічыць кіраўнік Мінадукацыі.
Цяпер чытаюць
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка8
Аляксандр Лукашэнка пракульгаў па чырвонай дарожцы на плошчы Цяньаньмэнь. Коля выконваў ролю ахоўніка
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове33
Каментары