Мемы, стыкеры і калажы: карыстальнікі iOS 16 крэатывяць з функцыяй выдалення фону для фотаздымкаў
Яшчэ ў чэрвені Apple прадставіла шэраг цікавых новых функцый для сваёй новай аперацыйнай сістэмы iOS 16. Але ніводная з іх не прынесла столькі здзіўлення і радасці карыстальнікам, колькі зманліва простая функцыя выразання фотаздымкаў — удасканаленне ўжо існуючай сістэмы Visual Lookup, што была запушчаная летась на iOS 15.
Яна распазнавала жывёл, расліны, славутасці і іншыя аб'екты на фота, але цяпер, калі вы дакранаецеся да аб'екта выявы і ўтрымліваеце яго, вы можаце выразаць гэты аб’ект для выкарыстання ў іншых праграмах. Пра тое, як крэатыўна карыстальнікі пачалі падыходзіць да новай «фічы», піша рэсурс TechCrunch.
Visual Lookup дазваляе абраць любы аб'ект з фота і захаваць яго як асобную празрыстую выяву. Па сутнасці, функцыя аддзяляе фон здымка ад аб'екта, а потым ператварае аб'ект у асобную выяву. Затым гэты аб'ект можна захаваць або перацягнуць у мэсэнджар.
I freaking love this idea — with iOS 16, this guy is saving clips of every outfit he wears in the Notes app
With background removal, you can cleanly categorize almost anything https://t.co/9fw5mtbFTG pic.twitter.com/5h20QlpuI9
Функцыя надзіва добра працуе з жывёламі, людзьмі і рознымі прадметамі.
Спажыўцы знаходзяць усё больш варыянтаў выкарыстання прылады, пачынаючы ад фатаграфавання ежы і заканчваючы стварэннем калажаў з хатнімі жывёламі.
Адзін з цікавых варыянтаў выкарыстання — каталагізацыя выяў у розныя папкі: для ежы, пакупак, хатніх жывёл ці штодзённых убораў. Напрыклад, карыстальнікі могуць «захопліваць» сваю выяву кожны раз, калі яны мяняюць вопратку, і ўстаўляць яе ў нататку, каб каталагізаваць свае розныя вобразы.
Відавочна, як вынік выкарыстання гэтай функцыяй хутка мы пабачым новую хвалю зробленых такім чынам мемаў і незлічоных стыкераў з жывёламі.
aliw na aliw ako sa background removal feature ng ios 16 HAHSHWHAHAH this is the best thing i’ve done so far pic.twitter.com/EeJwO1m058
Apple не адзіная кампанія, якая дэманструе магчымасці «штучнага інтэлекту», звязаныя з раз’яднаннем аб'ектаў. У мінулым годзе Google прадставіў функцыю Magic Eraser з Pixel 6, якая дазваляе выдаляць непатрэбныя аб'екты з фота, захоўваючы іншыя часткі выявы некранутымі.
Абедзве гэтыя функцыі маюць свае вартасці, і абедзве вельмі карысныя ў штодзённым рэдагаванні фотаздымкаў. І карыстальнікі выказваюць думку, што было б выдатна, каб Google і Apple вырашылі скапіяваць адзін аднаго і ўключылі абедзве гэтыя функцыі ў свае мабільныя аперацыйныя сістэмы.
28‑гадовай беларусцы пасля жудаснай аварыі ў Тайландзе не могуць аказаць дапамогу — няма патрэбнай крыві1
Каментары