Свет2525

Ілан Маск патрапіў у скандал, вырашыўшы паразважаць пра вайну, Украіну, Расію і Крым

Мультымільярдэр Ілан Маск вырашыў выказацца ў сваім твітары на тэмы міжнароднай палітыкі, чым выклікаў вялікі скандал.

Спачатку Маск выказаўся пра тое, якія, на яго думку, могуць быць умовы міру паміж Масквой і Кіевам. Паводле яго, гэта магчыма тады, калі:

— правесці новыя выбары ў анексаваных рэгіёнах пад наглядам ААН. Расія сыходзіць адтуль, калі такая будзе воля народа;

— Крым фармальна з'яўляецца часткай Расіі, як гэта было з 1783 года (пакуль «Хрушчоў не зрабіў памылку»);

— гарантуецца водазабеспячэнне Крыма;

— Украіна застаецца нейтральнай.

Сваім падпісчыкам у твітары Маск прапанаваў прагаласаваць за ці супраць гэтага плана. Ён таксама заявіў, што магчымым, хоць і малаверагодным варыянтам развіцця канфлікту, на ягоную думку, з'яўляецца ядзерная вайна.

Натуральна, такія прапановы, якія пры іх прыняцці азначалі б для Пуціна хоць і дробную ў параўнанні з першачарговымі планамі, але перамогу, украінцы і людзі, прыхільныя ім, сустрэлі з вялікім абурэннем.

На твіт Маска сярод іншых адрэагавалі вядомыя ўкраінскія палітыкі: дарадца кіраўніка Офіса прэзідэнта Украіны Міхаіл Падаляк, былы пасол Украіны ў Германіі Андрэй Мельнік і нават сам прэзідэнт Украіны Уладзімір Зяленскі. Іхнія допісы былі ці рэзка асуджальнымі, ці іранічнымі. 

З боку ж звычайных карыстальнікаў сітуацыя спарадзіла шмат жартаў, мемаў, фотажаб.

А акцыі маскаўскай кампаніі Tesla пасля прапановы яе ўладальнікам «мірнага плану» абрынуліся амаль на 9%.

Сам жа Маск на гэтым не спыніўся. Ён пасля публікацыі сваёй апытанкі паскардзіўся на атаку ботаў, а затым напісаў, што жыхары Данбаса і Крыма павінны самі вырашаць, хочуць яны быць з Расіяй ці не — і прапанаваў падпісчыкам пагадзіцца ці не пагадзіцца з гэтым сцвярджэннем.

Затым бізнэсмен дадаў, што Расія праводзіць мабілізацыю, а паколькі насельніцтва Расіі ўтрая большае за насельніцтва Украіны, то «перамога Украіны ў татальнай вайне малаверагодная».

Каментары25

  • Олис
    03.10.2022
    Чё-то не то он курит.
  • Fran
    03.10.2022
    Población rusa 140 millones+-20 millones ancianos otros tantos alcohólicos, 30 millones retrasados y solos unos millones de listos e inteligentes que se van
  • Занюханный журнальный столик
    03.10.2022
    Цитата: "Иногда лучше жевать, чем говорить". Конец цитаты.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Усе навіны →
Усе навіны

Зяленскі прапанаваў правесці трохбаковую сустрэчу з Пуціным і Трампам

Шрайбман: Цяперашнія канфлікты ў апазіцыі ўжо мала каго цікавяць14

Работнікі МНС выратавалі на пажары сабаку і ката, а потым зрабілі ім штучнае дыханне

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

14-гадовая Віка адмовіла ў сэксе — і гэта стала прычынай панажоўшчыны, у якой загінулі чацвёра падлеткаў у Байкальску11

На бетонным заводзе ў Гомелі загінуў кіроўца цэментавоза

«Тыдзень у Бразіліі, дзе цябе абрабуюць, або два тыдні ў бяспечнай Беларусі». Па што замежнікі едуць у нашу краіну6

Украіна атакавала тэхнапарк і завод па вытворчасці беспілотнікаў у Падмаскоўі1

Беларусь пераносіць вучэнні «Захад-2025» з заходніх межаў углыб краіны18

больш чытаных навін
больш лайканых навін

Праз дзевяць месяцаў пасля вызвалення памёр палітвязень Валерый Богдан7

Праз дзевяць месяцаў пасля вызвалення памёр палітвязень Валерый Богдан

Галоўнае
Усе навіны →

Заўвага:

 

 

 

 

Закрыць Паведаміць