4 лістапада ў Кіеве прайшла сустрэча прадстаўнікоў Палка Каліноўскага з мэрам украінскай сталіцы Віталём Клічко, паведамляе прэс-служба Палка Каліноўскага.
Падчас размовы добраахвотнікі расказалі Клічко пра палітычную сітуацыю ў Беларусі і асабліва падкрэслілі, што абсалютная большасць беларусаў падтрымліваюць Украіну ў яе барацьбе і катэгарычна негатыўна ставяцца да выкарыстання тэрыторыі іх краіны для агрэсіі супраць украінскага народа.
Таксама былі абмеркаваныя пытанні дапамогі з боку кіеўскай гарадской адміністрацыі Палку Каліноўскага. Віталь Клічко падзякаваў беларусам за ўдзел у абароне Кіева ў лютым-сакавіку 2022 года.
Акрамя Клічко, у сустрэчы з украінскага боку браў удзел і народны дэпутат Ігар Гузь.
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары