Кіраўніцтва Banuba на чале з CEO Змітром Агіевічам выкупіла долю заснавальніка і асноўнага інвестара кампаніі Віктара Пракапені, які валодаў ёй праз VP Capital, даведаўся dev.by.
Banuba мае намер захаваць кадры і працу над прадуктамі.
— Мы ўдзячныя VP Capital за ментарскую дапамогу ў пошуку фокуса і пры распрацоўцы тэхналогій, а таксама за фінансавую падтрымку на шляху да поспеху, — кажа Агіевіч. — Дзякуючы глыбокім ведам галіны і маркетынгу Віктара Пракапені цяпер Banuba сканцэнтраваная на росце лідарства ў сектары Face AR і Virtual Try-On. Мы выраслі, і наспеў час набыць долю VP Capital.
— Гэта тая форма праекта, для падтрымкі якой і была створаная VP Capital, — дапамога ў атрыманні максімальнай аддачы ад вельмі добрай тэхналагічнай ідэі, — сказаў Пракапеня. — Мы зычым Banuba вялікіх поспехаў.
Banuba — распрацоўшчык разумнага праграмнага забеспячэння для камер тэлефонаў на аснове штучнага інтэлекту, які стварае імерсіўную дапоўненую рэальнасць (AR). Таксама стварае рашэнні для B2B — галіны сувязі і электроннай камерцыі, а яшчэ прапануе камплекты для распрацоўкі праграмнага забеспячэння для рэдагавання відэа на мабільных платформах, такіх як TikTok. Кампанія зарэгістравала больш за 40 патэнтавых заявак. Штомесяц тэхналогіі Banuba выкарыстоўваюцца ў больш як 100 мільёнах сеансаў AR.
Заснаваная ў 2016 годзе як даследчая лабараторыя камп’ютарнага зроку і штучнага інтэлекту. Штаб-кватэра знаходзіцца ў Ганконгу, офісы — у краінах ЕС. Колькасць супрацоўнікаў — 50. Прыцягнула $5 млн у лютым 2017 года, $7 млн у лістападзе 2018 года ад фондаў VP Capital і Larnabel Enterprises.
-
«У калоніі цанілі перадачы прапагандысткі Скабеевай». Былы палітвязень Яўген Меркіс расказаў, як выжываў за кратамі
-
Беларуска атрымала польскую візу, але не пачала па ёй ездзіць да закрыцця мяжы. Ці пусцяць яе цяпер у ЕС?
-
17-гадовая беларуска, затрыманая за запуск дрона ў Варшаве, прыехала ў Польшчу ўсяго некалькі дзён таму
Цяпер чытаюць
Архітэктар назваў тое, што зрабілі ў Нясвіжы, «карным добраўпарадкаваннем»1
Каментары