Ціханоўская пра Калеснікаву: Хай на адлегласці, але я моцна абдымаю цябе, мая родная
Святлана Ціханоўская апублікавала допіс аб былой паплечніцы па аб'яднаным штабе Марыі Калеснікавай, якая нядаўна перанесла аперацыю ў гомельскай бальніцы.
«Больш за два гады ў Беларусі людзей катуюць у турмах. Я лічу сваім абавязкам расказваць пра гэта, крычаць аб гэтым як мага гучней — і не толькі пра тых, каго я ведаю асабіста, а абсалютна пра кожнага. Пазаўчора, калі я даведалася, што Марыя Калеснікава ў рэанімацыі, сэрца сціснулася яшчэ мацней».
«Маша — сапраўдны лідар і сімвал перамен для ўсёй Беларусі. Але яшчэ яна мая баявая сяброўка.
Яна паказала мне, якімі моцнымі могуць быць жанчыны, заахвоціла паверыць у сябе, яна зараджала мяне і ўсіх навакольных верай у тое, што нам па плячы нават самыя складаныя выклікі.
Нават з турмы Маша старалася падтрымліваць нас, перадавала цёплыя словы, падбадзёрвала, паказваючы, што яна не здаецца, значыць мы тым больш не павінны апускаць рукі.
Хай на адлегласці, але я моцна абдымаю цябе, мая родная. Здароўя табе і сілы выбрацца з гэтага кашмару. Цяпер для ўсіх нас галоўнае — тваё здароўе».
Ціханоўская таксама выказала падтрымку сям'і Машы, яе тату Аляксандру і сястры Тані Хоміч, а таксама Віктару Бабарыку і ўсёй яго камандзе.
Выказалася пра Калеснікаву і Вераніка Цапкала:
«Страшна, што робіцца за сценамі беларускіх турмаў, яшчэ страшней, што ўсё гэта адбываецца з нашымі жанчынамі! Кожны дзень з Беларусі прыходзяць навіны пра чарговае беззаконне і бязмежжа. Колькі яшчэ гэты бесчалавечны рэжым будзе вырашаць лёс беларусаў? — напісала Вераніка ў фэйсбуку.
Калі вы ці вашы знаёмыя працуюць у бальніцы Гомеля і вы маеце больш інфармацыі пра Марыю Калеснікаву, пішыце нам у @nasa_niva_bot ці на [email protected]. Альбо — асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).
З'явіліся новыя падрабязнасці пра стан Марыі Калеснікавай
«Яе ахоўваюць трое, адзін — з аўтаматам». Што вядома пра Марыю Калеснікаву, якая трапіла ў рэанімацыю
-
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту
-
«Адну мяне бесіць, што за мяжой я выключна ІрЫна?» Беларуска абураецца транслітэрацыяй у пашпарце з беларускай мовы
-
У Лідзе памёр 71-гадовы мужчына. Яго сын, зборшчык подпісаў за Цапкалу, кажа, што бацьку закатавалі да смерці. Ці так гэта?
Цяпер чытаюць
«Калі цяпер херова, значыць, гэта яшчэ не канец». Пагутарылі з эпатажным «святаром XXI стагоддзя», пра якога не было чуваць пяць гадоў пасля арышту1
Каментары