Лукашэнка падпісаў змены ў законы: ён зможа пажыццёва быць сенатарам, а беларусам з замежным ВНЖ забароняць ісці ў дэпутаты
Аляксандр Лукашэнка падпісаў змены ў шэраг законаў, каб прывесці іх у адпаведнасць з новай Канстытуцыяй.
У прыватнасці, прынятыя змены ў закон «Аб Нацыянальным сходзе Рэспублікі Беларусь», паведамляе БелТА. Замест двух парламенцкіх сесій будзе адна — з верасня па чэрвень. Пры гэтым пазачарговыя сесіі будуць склікацца не Лукашэнкам, а старшынямі палат. Замацаваныя правы Парламента заслухоўваць генеральнага пракурора, старшыняў Камітэта дзяржаўнага кантролю і Нацыянальнага банка, прымаць меры па развіцці мясцовага самакіравання.
Таксама прадугледжана, што членам Савета Рэспублікі пажыццёва з яго згоды з'яўляецца прэзідэнт Беларусі, які спыніў выкананне сваіх паўнамоцтваў. Да ліку функцый старшыні Савета Рэспублікі дадаткова аднесена ажыццяўленне паўнамоцтваў прэзідэнта ў выпадку вакансіі пасады кіраўніка дзяржавы.
Цяпер старшыня Савета Рэспублікі — Наталля Качанава. Атрымліваецца, у выпадку смерці Лукашэнкі яна зойме пасаду прэзідэнта да новых выбараў.
Акрамя таго, выключаны шэраг паўнамоцтваў Парламента, якія былі перададзеныя Усебеларускаму народнаму сходу, у тым ліку на абранне суддзяў Канстытуцыйнага Суда і членаў Цэнтральнай выбарчай камісіі, зацвярджэнне асноўных напрамкаў унутранай і знешняй палітыкі, ваеннай дактрыны.
Лукашэнка таксама прыняў змены ў закон «Аб статусе дэпутата Палаты прадстаўнікоў, члена Савета Рэспублікі Нацыянальнага сходу Рэспублікі Беларусь».
Цяпер, напрыклад, нельга будзе займаць пасаду дэпутата ці сенатара, калі маеш замежнае грамадзянства, а таксама дакументы замежных дзяржаў, якія даюць права на льготы і іншыя перавагі (раней такія дакументы дастаткова было здаць у кадравую службу).
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары