Аляксандр Мартыненка: Навіны БТ таксама будуць па‑беларуску
На пытанні адказвае намеснік кіраўніка Белтэлерадыёкампаніі Аляксандр Мартыненка.
Ад 19 кастрычніка навіны ўсіх рэгіянальных тэлеканалаў перайшлі на беларускую мову. Ці збіраецца тое ж зрабіць на Першым нацыянальным тэлеканале? На пытанні адказвае намеснік кіраўніка Белтэлерадыёкампаніі Аляксандр Мартыненка.
Аляксандр Мартыненка: Белтэлерадыёкампанія мае самае прамое дачыненне да пераходу рэгіянальных навін на беларускую мову. Прымалася агульнае рашэнне. На Першым нацыянальным таксама будуць змены. Пачынаем з таго, што адзін выпуск навін у дзень (а 19:00) будзе па‑беларуску. З цягам часу, магчыма, што на роднай мове пойдуць у эфір і іншыя выпускі. Што датычыць выніковай за дзень «Панарамы», то яна і цяпер выходзіць і па‑расійску, і па‑беларуску. Пра поўны пераход «Панарамы» на беларускую мову гаварыць рана.
«Наша Ніва»: А чым абумоўлена вяртанне да беларускай?
АМ: Справа ў тым, калі адбываўся пераход на расійскую, то мы дакладна ведалі, што гледачы не хацелі бачыць навіны па‑беларуску. Не выключана, што цяпер сітуацыя змянілася. Трэба праверыць. Як будзе зручней гледачам, так і застанецца.
«НН»: А што з іншымі перадачамі па‑беларуску?
АМ: Па‑беларуску выходзіць найбуйнейшы праект Белтэлерадыёкампаніі «Зямля беларуская». На мове зноў пачалі выходзіць усе прагнозы надвор’я.
«НН»: А, напрыклад, спартовыя трансляцыі, яны раней таксама былі па‑беларуску?
АМ: Гэтае пытанне яшчэ не абмяркоўвалася, але я не выключаю зменаў і тут.
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»44
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1515
Каментары