Навука і тэхналогіі33

Цяпер візуальна сачыць за людзьмі можна выключна па сігнале WiFi, не выкарыстоўваючы ніякіх камер. Расказваем, як такое стала магчымым

«Таемная ўстаноўка камер сачэння выклікае сур'ёзныя праблемы з-за ўмяшання ў прыватнае жыццё. Новы спосаб назірання здольны абысці гэтае абмежаванне».

Фота: vecteezy

Каманда навукоўцаў з Універсітэта Карнегі — Мелана распрацавала новы метад для выяўлення трохмернай формы і руху чалавечых цел, выкарыстоўваючы толькі WiFi-роўтары. Адпаведнае даследаванне было апублікавана 31 снежня мінулага года на сайце архіва Карнельскага ўніверсітэта.

Пры распрацоўцы гэтага метаду навукоўцы выкарыстоўвалі DensePose — сістэму для адлюстравання ўсіх пікселяў на паверхні чалавечага цела па фатаграфіях. Затым у ход пайшла наваствораная нейрасетка, здольная супастаўляць сігналы WiFi-роўтара з каардынатамі чалавека.

У выніку атрымалася стварыць новую сістэму сачэння, якая выключна пры дапамозе WiFi можа адлюстроўваць адразу некалькіх чалавек у фармаце сапраўдных трохмерных выяў. Аднак такі спосаб назірання цяпер працуе толькі мінімум з двума роўтарамі ў маленькіх замкнёных памяшканнях.

Камп'ютарнае бачанне і распазнаванне выяў пры дапамозе Wifi разам з праграмай DensePose. Фота: візуальны прыклад з даследавання Універсітэта Карнегі — Мелана, arxiv.org/abs/2301.00250

«Выкарыстанне WiFi дазваляе пазбегнуць негатыўных фактараў дрэннага асвятлення і зацянення, з якімі сутыкаюцца звычайныя камеры. Гэта пракладае шлях да недарагіх і шырока распаўсюджаных алгарытмаў распазнавання чалавека», — адзначаюць навукоўцы.

Разам з гэтым яны заяўляюць, што такая тэхналогія адначасова прызначаная для «абароны прыватнасці людзей», і прыводзяць наступныя ​​аргументы:

«Напрыклад, большасць людзей няёмка адчувае сябе, калі камеры запісваюць іх ва ўласных дамах, а ў некаторых месцах (напрыклад, у ванным пакоі) устаноўка камер увогуле недапушчальная. Гэта стаўленне асабліва крытычнае ў галіне аховы здароўя, якая ўсё больш пераходзіць з клінік у дамы, дзе за людзьмі назіраюць з дапамогай камер і іншых датчыкаў. Важна абысці гэты недавер да сачэння, каб лепш дапамагчы ўразлівым групам насельніцтва».

«Фактычна, большасць дамоў у развітых краінах ужо мае WiFi, і гэтую тэхналогію можна распаўсюджваць для маніторынгу дабрабыту пажылых людзей або выяўлення падазроных паводзін дома», — прыводзяць у якасці доказаў навукоўцы.

Пры гэтым яны не ўдакладняюць, што падпадае пад паняцце «падазроныя паводзіны» і што будзе, калі гэтая распрацоўка трапіць не ў тыя рукі.

Чытайце яшчэ:

«Як табе такое, Ілан Маск?»: у сістэмы Starlink хутка з'явіцца новы канкурэнт 

Важна ведаць. Якім чынам рэпрэсіўныя органы дастаюць ужо выдаленую інфармацыю з Telegram і што можна з гэтым зрабіць? 

У Google Maps можна схаваць часткі вашага дома, якія вы не хочаце, каб бачылі чужыя — вось як гэта зрабіць

Каментары3

  • BLR
    15.02.2023
    Займаюцца, доўбні, глупствамі. Распрацоўваюць, як ім падаецца нешта "добрае", а па факце атрымоўваецца чарговая забаўка для сачэньня за людзьмі.
  • Valadzimir
    15.02.2023
    BLR, мяркую, яны толькі пішуць, што хацелі стварыць нешта "добрае", ціпа яны такія наіўныя і "харошыя і не чакалі, што ўсё абернецца па-іньшаму, але ж на самой справе яны ад самага пачатку мелі мэту і стваралі іменна тое "дрэннае", што атрымліваецца ў выніку.
  • ...
    16.02.2023
    Гэтая распрацоўка павысіць прыватнасць: яна відавочна дае менш дэталізацыі, чым камеры, напрыклад, ніколі не будзе дастатковай для распазнавання твараў - фізіка абмяжоўвае максімальна магчымую дэталізацыю даўжынёй хвалі.

    Калі выкінуць камеры, дзе дастаткова вайфаю - прыватнасць павысіцца. 

Цяпер чытаюць

«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля

«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля

Усе навіны →
Усе навіны

У Літве затрымалі больш за 50 тон напаўняльніка для каціных туалетаў. Груз прызначаўся для Беларусі6

У Ціханоўскай з'явіўся новы дарадца па адукацыі і навуцы1

Былы палітвязень Генадзь Фядыніч расказаў, чаму адмовіўся за кратамі ад аперацыі

Візавы цэнтр Італіі паспрабаваў працаваць па жывой чарзе. Пратрымаўся дзень3

Эканамістка Лузгіна: За межамі Беларусі аказалася не менш за 400 тысяч беларусаў3

«Інтэрбачанне»: як пройдзе расійская альтэрнатыва «Еўрабачанню»2

Наведнікам, што напаілі аленя кока-колай у Мінскім заапарку, далі па 10 сутак7

Лукашэнка — Караеву: Ты такі мусульманін, як я праваслаўны20

У Віцебску жанчына ўпала з дзявятага паверха і выжыла

больш чытаных навін
больш лайканых навін

«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля

«Шкада, што людзі мяне лічаць такім ідыётам». Дзядок расказаў, як яго змаглі высачыць пасля пяці месяцаў падполля

Галоўнае
Усе навіны →

Заўвага:

 

 

 

 

Закрыць Паведаміць