Дзяржаўны пагранічны камітэт Беларусі накіраваў ва ўсе пункты пропуску ўказанні аб правядзенні мер узмоцненага кантролю ў дачыненні да асоб, якія перасякаюць мяжу, для выяўлення прыкмет свінога грыпу.
Пра гэта паведаміў начальнік прэс‑цэнтра беларускага пагранведамства Аляксандр Цішчанка.
Гэтыя дзеянні звязаны з развіццём эпідэміялагічнай сітуацыі па свіным грыпе ва Украіне. Пра пачатак эпідэміі Міністэрства аховы здароўя гэтай краіны аб’явіла 30 кастрычніка.
Павышаныя меры кантролю на мяжы будуць тычыцца найперш тых, хто ўязджае ў Беларусь, рухаецца цераз яе тэрыторыю транзітам.
Як адзначыў Цішчанка, зараз сітуацыя на мяжы поўнасцю кантралюецца. «Выкарыстоўваць або не памежнікам марлевыя павязкі, будзе залежаць ад развіцця сітуацыі і рэкамендацый Міністэрства аховы здароўя. Усе неабходныя сродкі засцярогі ёсць», — сказаў ён.
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары