У Маскве 8 красавіка прайшло пахаванне забітага 2 красавіка расійскага прапагандыста, «ваенкара» Максіма Фаміна, больш вядомага пад псеўданімам Уладлен Татарскі. Побач з труной прысутныя на пахаванні заўважылі сумна вядомую «вагнераўскую» кувалду, паведаміла выданне ASTRA.
Паводле інфармацыі выдання, кувалду пасмяротна падарылі Фаміну прадстаўнікі ПВК «Вагнера». Яе паклалі побач з труной, а на дзяржальне інструмента ёсць імянная гравіроўка.
З дапамогай такой кувалды ў ПВК «Вагнера» караюць смерцю «здраднікаў», некаторыя падобныя выпадкі запісаныя на відэа і пасля шырока разышліся ў інтэрнэце. Кувалда, такім чынам, стала сімвалам злачынстваў і амаральнасці ПВК «Вагнера», а таксама і ўсяго «рускага свету», паколькі і цывільныя, і вайсковыя расійскія ўлады ніякага супрацьдзеяння пашырэнню культу гэтага інструмента не аказваюць.
Прапагандыст Максім Фамін быў забіты 2 красавіка ў выніку выбуху, які прагрымеў падчас яго «творчага вечара», які праходзіў на Васілеўскім востраве ў Санкт-Пецярбургу ў кафэ Street Food Bar №1. Гэтая ўстанова належыць структурам заснавальніка ПВК «Вагнера» Яўгена Прыгожына.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары
🤷🏻♂️