У Гомелі настаўнік павёў школьнікаў у мясцовы «Рускі дом», каб пасумаваць з нагоды гібелі Уладлена Татарскага
Фотасправаздачу пра жалобную акцыю з нагоды гібелі расійскага прапагандыста Уладлена Татарскага апублікавала кіраўніцтва «Рускага дома» ў Гомелі ў сябе ў сацыяльных сетках. На ёй прысутнічалі і вучні сярэдняй школы №59, якіх прывёў настаўнік «патрыятычнага» выхавання Дзмітрый Уклейка.
На Дзмітрыя Уклейку з вучнямі на гэтым мерапрыемстве звярнула ўвагу гомельскае выданне «Штодзень». Паводле яго, Уклейка — вядомы мясцовы прыхільнік Аляксандра Лукашэнкі і «рускага свету».
«Вельмі кранальная падзея адбылася сёння ў нашым Доме дзякуючы Дзмітрыю Уклейку і яго выхаванцам з СШ №59. Перад кінасеансам хлопцы ўшанавалі памяць расійскага ваенкара Уладлена Татарскага, які трагічна загінуў ад тэракту ў пецярбургскім кафэ. Глыбокія спачуванні… Нагадаем, трагедыя адбылася ўчора ўвечары. У кавярні, дзе праходзіў творчы вечар журналіста, прагрымеў выбух, ударная хваля выбіла шкло. Папярэдне вядома пра 25 пацярпелых, з якіх 19 параненыя», — напісалі прэс-сакратары расійскай арганізацыі.
У прыёмнай школы адказалі, што нічога не ведаюць пра акцыю Уклейкі. Адзіны чалавек які валодае такой інфармацыяй — гэта намесніца дырэктара па ідэалагічнай і выхаваўчай працы Таццяна Халязнікава, аднак яна, маўляў, у школе цяпер адсутнічае.
Цяпер чытаюць
«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў2
Каментары
https://youtube.com/watch?v=ssn5gioF4YU
Ваенрук таксама любіць забіваць і рабаваць?