Дзяржбанкі перасталі публікаваць гадавую фінансавую справаздачнасць
Найбуйнейшыя беларускія дзяржбанкі: Беларусбанк, Белаграпрамбанк, Белінвестбанк (сумарна больш за 70% актываў банкаўскай сістэмы) — перасталі публікаваць на сваіх сайтах гадавую фінансавую справаздачнасць як па нацыянальных, так і па міжнародных стандартах, звярнуў увагу «Інтэрфакс».
Так, на сайце найбуйнейшага банка ў краіне — Беларусбанка — у раздзеле «Раскрыццё інфармацыі» адсутнічаюць бухгалтарскія балансы і справаздачы аб прыбытках і стратах.
На сайце другога па велічыні банка — Белаграпрамбанка — захаваліся балансы і справаздачы за перыяд да 1 кастрычніка 2022 года, але адсутнічаюць гадавыя справаздачы.
На сайце Нацбанка Беларусі па стане на 2 мая таксама адсутнічае гадавая справаздачнасць беларускіх банкаў, якую рэгулятар традыцыйна публікаваў у пачатку красавіка.
«Банкі па-ранейшаму даюць усю неабходную справаздачнасць у Нацыянальны банк, што дазваляе [рэгулятару] ў поўнай меры ажыццяўляць эфектыўны нагляд за іх дзейнасцю і станам банкаўскага сектара краіны ў цэлым», — пракаментавалі «Інтэрфаксу» ў прэс-службе Нацбанка прэцэдэнт з адсутнасцю даных аб дзейнасці банкаў на сайце рэгулятара.
А вось банкам, паводле каментарыя, дадзена права самастойна вызначаць абʼём раскрыцця справаздачнасці, якая публікуецца імі на сваіх сайтах.
Цяпер чытаюць
«Калеснікава кажа, што не збіраецца выходзіць, пакуль не выйдзе апошні з палітвязняў»14
Каментары