Беларуса, якога ў Неапалі затрымаў інтэрпал на запыт беларускіх уладаў, не будуць выдаваць Мінску
Уладзіслава Гірыса затрымалі 7 лютага 2023 года ў Неапалі, куды яны з жонкай прыехалі літаральна на адзін дзень. Ордар на арышт маладога чалавека быў выдадзены беларускімі ўладамі яшчэ 1 снежня 2020-га. 8 мая стала вядома, што экстрадыцыі не адбудзецца. Пра гэта паведаміў дарадца Святланы Ціханоўскай Франак Вячорка.
У вырашэнне пытання экстрадыцыі беларуса актыўна ўключылася Народная амбасада Беларусі ў Італіі.
Беларус Уладзіслаў Гірыс разам з жонкай жыве ў Польшчы з 2019 года. Там у мужчыны свая фірма — ён уладальнік таксі.
У Неапаль пара прыехала 7 лютага, на наступны дзень яны ўжо былі павінны вяртацца ў Польшчу.
«Былі ўвечары ў апартаментах. Прыйшла паліцыя, каб праверыць нейкія даныя, потым сказалі, што яго забіраюць. Надзелі на яго кайданкі і павезлі. Мяне з сабой не ўзялі, далі адрас, куды яны яго вязуць.
Паехала за імі. Але там мяне не пусцілі, вярнулася ў апартаменты. Праз пару гадзін патэлефанаваў муж, сказаў, што ў яго ўзялі адбіткі пальцаў, сфатаграфавалі. Я спытала, ці звязана гэта неяк з Беларуссю, ён адказаў «так». І наша размова на гэтым скончылася», — расказвала раней жонка Уладзіслава.
У жонкі Уладзіслава ёсць польскі від на жыхарства, у мужа — гуманітарная віза.
Па словах жанчыны, апошні раз яны былі ў Беларусі ў лютым 2020-га. У Польшчы Уладзіслаў удзельнічаў у беларускіх акцыях і мітынгах.
Чытайце таксама:
У Неапалі затрымалі беларуса па запыце беларускіх уладаў. Што вядома?
Палітзняволеную ў зарэчанскай калоніі збіваў і душыў наглядчык — праваабаронцы
Цяпер чытаюць
Вялікая гутарка з Франакам Вячоркам — пра круглы стол з Лукашэнкам, памылкі, хэйтараў і галоўнае дасягненне37
Каментары
Почему не написали что ему инкриминируют?;) Явно не политическую статью, т.к. Интерпол такое не пропустил бы...
Любой вор теперь из Беларуси может чувствовать себя в Европе защищённым...