Віно за 2,5 еўра з супермаркета выйграла прэстыжны конкурс Gilbert et Gaillard
Самелье Эрык Бошман вырашыў праверыць сістэму адбору вінаў на прэстыжным конкурсе. Ëн абраў самае таннае віно з супермаркета і зарэгістраваў яго для ўдзелу ў дэгустацыі.
Для пераканаўчасці напой назвалі Chateau Colombier і наляпілі на бутэльку прывабную этыкетку ў стылі прэміяльных вінаў. Таксама прыдумалі легенду, сцвярджаючы, што віно было зроблена з найлепшых гатункаў вінаграду, якія растуць у Валоніі.
Затым самелье адправіў узор напою для дэгустацыі. Для лабараторнай праверкі эксперт адправіў узор больш дарагога напою. Адметна, што журы конкурсу не праверыла атрыманую інфармацыю.
У выніку суддзі Gilbert et Gaillard назвалі віно Chateau Colombier вельмі цікавым напоем з «багатым смакам і чыстым маладым водарам, які абяцае прыемную складанасць».
Каментары