Гомельская фабрыка «Спартак» плануе павялічыць выпуск малочнага шакаладу з начынкамі, каб канкурыраваць на гэтым полі з заходнімі брэндамі.
Фота: bestbelarus.by
Па словах спецыялісткі па выставачнай дзейнасці «Спартака» Дар'і Харлашкінай, сярод навінак, з якімі кандытары плануюць выйсці на рынак, шакалад з дадаткамі ў выглядзе папкорна, мармеладу, выбухной і салёнай карамелі, а таксама са смакам колы.
У гэтым годзе фабрыка ўжо пачала выпускаць горкі шакалад з малінай і здробненым фундукам, апельсінам, а таксама з лімонам і імбірам.
Лінія па вытворчасці тонкага пліткавага шакаладу з розным утрыманнем какава-прадуктаў адкрылася на «Спартаку» гэтай вясной.
У асноўным прадукцыю «Спартак» адпраўляе ў Расію, на якую прыпадае каля 70% аб'ёму экспартаваных прысмакаў.
Дзмітрый Лукашэнка хоча паставіць пад кантроль усе мабільныя тэлефоны11
Каментары