Грамадства1717

У БДТУ зладзілі паказальны суд над двума студэнтамі. Яшчэ 30 чакаюць чаргі

Пра чарговы паказальны суд ва ўніверсітэце расказалі ў сюжэце БТ. Студэнтаў затрымліваў КДБ.

Так студэнтаў прывезлі на суд. Скрын відэа БТ

14 чэрвеня ў Беларускім дзяржаўным тэхналагічным універсітэце прайшоў суд над двума студэнтамі — Максімам Міхнічам і Данілам Лук'янавым.

У сюжэце паказалі кадры затрымання аднаго з іх: хлопца прымушаюць выйсці з паднятымі рукамі і стаць на калені. На затрыманне, мяркуючы па кадрах, выехалі чацвёра экіпіраваных сілавікоў, у шлемах і бронекамізэльках (на форме аднаго з іх бачны надпіс «КДБ»).

Затрыманне студэнта. Скрын сюжэта БТ

Студэнтаў судзілі па адміністрацыйным артыкуле 17.10 (Прапаганда ці публічны паказ, выраб, распаўсюд нацысцкай сімволікі і атрыбутыкі).

Хлопцы, паводле сюжэта, зігавалі, кідалі адзін аднаму стыкеры з Гітлерам і нацысцкай сімволікай і жарты на тэму ў чаце.

У сюжэце паказалі прыклады таго, што было, як сцвярджаецца, у чаце. Скрын сюжэта БТ
Як «доказ віны» паказалі нават гэту карцінку

Абодвум далі па 15 сутак і канфіскавалі тэлефоны.

«Пра перавод на другі курс давядзецца, мяркуючы па ўсім, забыць. Цяпер сесія — яны не ходзяць. Адлічэнне пагражае аўтаматычна», — кажа прапагандыстка Настасся Бенедзясюк.

Апроч сённяшняга суда, быў яшчэ адзін на мінулым тыдні. У сюжэце кажуць, што збіраюцца асудзіць яшчэ 30 чалавек.

Каментары17

  • alex
    15.06.2023
    Альма-матэр, давай, да свiданья! Пазорышча.
  • Gorliwy Litwin
    15.06.2023
    Ёсць яшчэ куды развівацца. Можна ж паказальна вешаць пасля паказальных судоў. І потым семестр не здымаць трупы. Вось гэта будзе стымуляваць вучобу. А што такое вучоба? Выхаванне лаяльнасці да звычаяў дадзенага соцыюму
  • Непісьменны
    15.06.2023
    Універсітэт-суд, усе што трэба ведаць пра лукашысцкую адукацыю.

Цяпер чытаюць

«Губазікаўцы схіляюць Калеснікаву да высылкі, але яна не хоча»1

«Губазікаўцы схіляюць Калеснікаву да высылкі, але яна не хоча»

Усе навіны →
Усе навіны

На матч медыялігі ў Мінску прададзена 27 тысяч квіткоў2

Вядучая СТБ каталася на расійскіх нумарах, якія нехта прыляпіў на скотч — і не ведала пра гэта. Цуд растлумачылі ў 1024

Трупы хатніх жывёл пачалі знаходзіць у Мінску2

Выступ гурта «Тэхналогія», які планаваўся сёння ў Плешчаніцах, адменены3

Кучук: Я два разы плакаў у камеры наўзрыд, каб зняць псіхалагічную напругу

Ціханоўская ляціць у ЗША. Што там плануецца?13

У вёсцы пад Мінскам прадаюць катэдж з лазняй, падобнай на гасцінічны нумар1

У манастыр Наталля Пяткевіч падабрала да хустачкі французскае паліто18

У Падмаскоўі загінуў кіраўнік кампаніі-пастаўшчыка кампазітных матэрыялаў для МС-21 і паранены будаўнік касмічнага цэнтра, адкрытага Пуціным4

больш чытаных навін
больш лайканых навін

«Губазікаўцы схіляюць Калеснікаву да высылкі, але яна не хоча»1

«Губазікаўцы схіляюць Калеснікаву да высылкі, але яна не хоча»

Галоўнае
Усе навіны →

Заўвага:

 

 

 

 

Закрыць Паведаміць