Расійская абутковая кампанія адкрые яшчэ дзве фабрыкі ў Беларусі
Камнанія ПТК «Мадэрам» з Санкт-Пецярбурга, якая спецыялізуецца на выпуску спецыяльнага абутку, у дадатак да чатырох ужо дзейных сваіх фабрык адкрые яшчэ два прадпрыемствы на тэрыторыі Беларусі.
Цяпер «у сувязі з пашырэннем геаграфіі вытворчасці і павелічэннем аб'ёмаў замоў» кампанія набірае швачак і іншых супрацоўнікаў, у прыватнасці, на новыя пляцоўкі ў Асіповічах і Клічаве. На гэта звярнуў увагу Office Life.
Швачкам — зборшчыкам абутку абяцаюць ад 700 да 1500 рублёў заробку.
ПТК «Мадэрам» — адзін з першых і найбуйнейшых расійскіх інвестараў у беларускую лёгкую прамысловасць. Першую фабрыку ў Гомелі кампанія адкрыла ў 2002 годзе. У 2000-я абутак для кампаніі з Санкт-Пецярбурга пачалі шыць таксама ў Жлобіне і Бабруйску. А ў 2021 годзе ў структуры мясцовай «дачкі» кампаніі «Мадэрам-Захад» з'явілася чацвёртая фабрыка — у Рэчыцы.
Дарэчы, у Расіі ў гэтага вытворцы ёсць толькі дзве пляцоўкі — у Санкт-Пецярбургу і ў Батайску Растоўскай вобласці.
Цяпер чытаюць
Беларусь чакае новая хваля савецкіх людзей з Латвіі і Эстоніі16
Беларусь чакае новая хваля савецкіх людзей з Латвіі і Эстоніі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары