У Дзярждуму Расіі ўнеслі законапраект аб заснаванні звання «Горад-герой спецыяльнай ваеннай аперацыі»
Законапраект аб заснаванні звання ўнесла фракцыя ЛДПР. Пра гэта паведаміў яе кіраўнік Леанід Слуцкі.
Як заяўляецца, гэты статус змогуць атрымаць гарады, жыхары якіх «унеслі значны ўклад у выкананне задач у ходзе ваеннай аперацыі ва Украіне ў ДНР і ЛНР з 24 лютага 2022 года і ў Запарожскай і Херсонскай абласцях з 30 верасня 2022 года».
«У гарадах-героях будуць устаноўлены памятныя стэлы з выявай герба горада, а таксама з'явяцца музеі, прысвечаныя гераічным подзвігам і стойкасці жыхароў падчас СВА», — напісаў Слуцкі ў Telegram.
Улічваючы, што баявыя дзеянні праходзяць на тэрыторыі Украіны, «гарадамі-героямі СВА» стануць тыя, што былі найбольш разбураныя расійскімі войскамі, напрыклад, Марыупаль, Валнаваха ці Бахмут.
Каментары
Якім гарадам і па якіх чынніках прапануе раздаваць званні Слуцкі, які так і ня стаў супастаўным нашчадкам крыклівага і фрыкаватага партайгеноссе Жырыка - незразумела.