«Думаю, што Расія значна больш кволая, чым расіяне хочуць прызнаць» — міністр абароны Вялікабрытаніі
Міністр абароны Вялікабрытаніі Бэн Уолес заявіў, выступаючы на канферэнцыі Інстытута глабальных змен Тоні Блэра ў Лондане, што Расія насамрэч «больш кволая», чым гэта хочуць прызнаць у Маскве, паведамляе «Еўрапейская праўда» са спасылкай на The Guardian.
Па словах брытанскага міністра, вайну Расіі супраць Украіны «можна выйграць».
«Я думаю, што Расія значна больш кволая, чым расіяне хочуць прызнаць… Раскол у іерархіі расійскай арміі цалкам рэальны, узровень страт жудасны», — адзначыў Уолес.
Ён падкрэсліў, што расійскі прэзідэнт Уладзімір Пуцін «вельмі асцярожна» ставіцца да тэрыторыі краін НАТА.
«Яны вельмі, вельмі асцярожныя і імкнуцца не правакаваць. Можна сцвярджаць, што Альянс сам па сабе функцыянуе. Стрымліваючы фактар пятага артыкула дзейнічае», — заявіў Уолес.
Таксама ён дадаў, што вайна Расіі супраць Украіны прывяла да «ажыўлення» НАТА пасля «стагнацыі».
«У мяне ёсць для цябе віскі». Брытанскі міністр Бэн Уолес расказаў, як пакпіў з Шайгу, а той таго не ведаў
«Мы не Amazon». Брытанскі міністр абароны просіць Украіну быць больш удзячнай за аказаную дапамогу
Прычынай бракавання Байдэнам кандыдатуры Бэна Уолеса на генсакратара НАТА стала пытанне F-16 для Украіны — медыя
Каментары